«Бір парақ — бір ағаш»

«Бір парақ — бір ағаш» жобасы аясындағы экологиялық бастама Қоршаған ортаны көгалдандыру — әрбір азаматтың табиғат алдындағы парызы. Осы мақсатта Барсакелмес мемлекеттік табиғи қорығының қызметкерлері мен Т.Г. Шевченко атындағы №13 мектептің 9 — сынып оқушылары бірігіп, «Бір парақ — бір ағаш» атты экологиялық челлендж ұйымдастырды. Іс — шара барысында оқушыларға қағаз қалдықтарын қайта өңдеудің маңыздылығы түсіндіріліп, жинақталған қағаздарды өткізу арқылы түскен қаражатқа тал сатып алынып, мектеп ауласына отырғызылатын болады. Бұл бастама жас ұрпақты табиғатты аялауға, ресурстарды ұқыпты пайдалануға және экологиялық мәдениетті қалыптастыруға тәрбиелейді. Табиғат — аманат, оны қорғау — борышымыз!