«Таза Қазақстан» экологиялық акциясы аясында сенбілік жұмыстары ұйымдастырылды

«Таза Қазақстан» экологиялық акциясы аясында Барсакелмес мемлекеттік табиғи қорығының қызметкерлері Арал қаласында ұйымдастырылған сенбілік жұмыстарына белсенді қатысып, тазалық жұмыстарын жүргізді. Іс — шара барысында қала аумағы тұрмыстық қалдықтар мен шашылған қоқыстардан тазартылып, қоршаған ортаның тазалығын сақтау бағытында бірқатар жұмыстар атқарылды. Қызметкерлер экологиялық мәдениетті қалыптастырудың маңыздылығын атап өтіп, табиғатты қорғау — әр азаматтың ортақ міндеті екенін насихаттады. Мұндай экологиялық шаралар туған өлкенің тазалығын сақтауға, табиғатқа жанашырлықпен қарауға және тұрғындардың экологиялық жауапкершілігін арттыруға бағытталған.